Kisi óltirgen: Taldyqorǵanda izdeýde júrgen qylmysker Şýcheden tabyldy

KÓKShETAÝ. KAZINFORM – Buryn kisi óltirgeni úshin sotty bolǵan qylmysker Aqmola oblysy aýmaǵynda jasyrynyp júrgen jerinen ustaldy.

Aqmola oblysy PD baspasóz qyzmetiniń málimetinshe, qylmyskerdi Krımınaldyq polıtsııa bólimsheleriniń qyzmetkerleri «Quqyqtyq tártip» jedel-aldyn alý is-sharasyn ótkizý barysynda Şýche qalasy aýmaǵynda qolǵa túsirgen. 

«Er adam Qylmystyq kodekstiń 99-baby (kisi óltirý) boıynsha buryn sottalǵan, probatsııalyq baqylaýdan jasyrynǵany úshin Taldyqorǵan qalalyq polıtsııa basqarmasy tarapynan izdeý jarııalanǵan. Qazirgi kezde ol qamaýǵa alyndy», - dedi vedomstvodan.

Jalpy, «Quqyqtyq tártip» jedel-aldyn alý is-sharasy bastalǵannan beri (21 naýryzdan bastap) Aqmola oblysynda 2 myńnan astam ákimshilik quqyq buzýshylyq anyqtaldy, onyń 150 qoǵamdyq oryndarda alkogoldik mas kúıde bolý, 176 usaq quqyqbuzýshylyq, 143 kámelettik jasqa tolmaǵandardyń túngi ýaqytta turǵyn úıden tys jerde bolý deregi.

Patrýldik polıtsııa batalony men rotasynyń qyzmetkerleri masań kúıde avtokólik basqarǵan 36 júrgizýshini jáne jyldamdyqty shamadan tys asyrǵan 1 myńǵa jýyq adamdy ustady.

Sonymen qatar, ýchaskelik polıtsııa ınspektorlary turǵylyqty jeri boıynsha profılaktıkalyq esepte turǵan 2 myń 687 adamdy tekserdi. Aktsııa naýryzdyń 31 - ne deıin jalǵasady.

Aıta ketsek, budan buryn Aqmola oblysynda izdeýde júrgen 5 qylmysker ustalǵanyn jazǵan edik.