Kirme temirjoldardy memleket menshigine berý aıaqtaldy

ASTANA. KAZINFORM - 600-den astam kirme temirjoly «Kóliktik servıs ortalyǵy» Aktsıonerlik Qoǵamynyń senimgerlik basqarýyna berildi, dep habarlaıdy QR Kólik mınıstrliginiń baspasóz qyzmeti. 

Kirme joldardy tehnıkalyq paıdalaný qaǵıdalarynyń talaptaryna sáıkes, olardy jóndep, qalypqa keltirý jospary bekitildi. Qalypqa keltirý jumystary kestege sáıkes júrgizilýde.

Máselen, shamamen 22 myń shpal, 42 myńnan astam temirjol tósemi men 3 myńǵa jýyq brýs jáne basqa materıaldar aýystyryldy. Budan basqa, «TUVRheinland» halyqaralyq kompanııasymen jasalǵan shartqa sáıkes «KSO» AQ sapa menedjmenti, densaýlyq saqtaý jáne eńbek qaýipsizdigi júıeleri boıynsha alǵash ret sertıfıkattaldy.

Esterińizge sala keteıik, «KSO» AQ aktsııalarynyń júz paıyzdyq paketi respýblıkalyq memlekettik menshikte. Bul kompanııa jyljymaly quramnyń ótýi, manevrlik jumystar, tıeý-túsirý, sondaı-aq jyljymaly quramnyń turaǵy úshin kirme joldardy usyný boıynsha qyzmetter kórsetedi.