Krıterıaldy baǵalaý: Vıtse-mınıstr ata-analardyń petıtsııasyna jaýap berdi
NUR-SULTAN. QazAqparat – QR Bilim jáne ǵylym vıtse-mınıstri Sholpan Karınova oqýshylardyń bilimin baǵalaý júıesine engizilip jatqan ózgeristerge qarsy shyqqan ata-analardyń petıtsııasyna qatysty pikir bildirdi, dep habarlaıdy QazAqparat tilshisi.
«Jalpy, Bilim jáne ǵylym mınıstrliginiń bul suraqqa qatysty ustanymy qandaı: biz qazirgi ýaqytta onyń qaıdaǵy petıtsııa ekenin bilmeımiz. Ony jazyp otyrǵan ata-analar ma? Olar bolsa, qaıdaǵy, qaı sanattaǵy ata-analar ekenin bilmeımiz. Ony anyqtaý – bizdiń quziretimizde emes. Biraq, biz mekteptermen de, ata-analarmen de, muǵalimdermen de jumys júrgizip, eski júıeniń qanshalyqty artyq nemese kem tustaryn túsindirip, dáleldep jatyrmyz. Naqty neni jetildirgeli otyrǵanymyzdy uqtyrýdamyz. Túsindirý jumystary tyńǵylyqty qolǵa alyndy. Sebebi, bul júıeli protsess. Bir kúnniń sharýasy emes», - dedi Sholpan Karınova OKQ-da ótken baspasóz máslıhatynda.
Aıta ketsek, buǵan deıin áleýmettik jelide ata-analardyń oqýshylardyń bilimin baǵalaý úshin qoldanylyp otyrǵan bólim boıynsha jáne toqsan boıynsha jıyntyq baǵalaýlar (BJB/SOR jáne TJB/SOCh) júıesine qarsy petıtsııasy taraǵan bolatyn.
Eske sala ketsek, buǵan deıin QR Bilim jáne ǵylym vıtse-mınıstri Sholpan Karınova búginde oqýshylardyń bilimin baǵalaý úshin qoldanylyp otyrǵan bólim boıynsha jáne toqsan boıynsha jıyntyq baǵalaýlar (BJB/SOR jáne TJB/SOCh) tártibin túsindirip bergen bolatyn.
