«Krıstıs» bássaýdasy ıslam óneriniń aptalyǵyn jarııalady
ASTANA. 4 sáýir. QazAqparat - Sáýir aıynyń 22-26-sy aralyǵynda londondyq «Krıstıs» atty bássaýda úıi bes birdeı saýdanyń kórigin qyzdyrady. Onda ıslam jáne úndi óneriniń júzdegen jaýharlary halyqtyń nazaryna usynylady.
Sáýirdiń 22-de uzyn sany 600 jádigerden turatyn Saıd Motamed (Saeed Motamed) kollektsııasynyń bir bóligi qoıylady. Bul jaıynda Ahram Online-ǵa silteme jasap, muslim.kz habarlaıdy.
«Krıstıstiń» resmı baspasóz baıanynda aıtylǵandaı, Saıd Motamed (1925-2013) bul kolletsııasyn 1953 jyldan bastap, 90-shy jyldardyń bas kezine deıin tirnektep jınaǵan. Onyń kollektsııasynan «Iran men ózge de ıslam elderine tán kórkem ónerdi tereń biletindigin baıqaýǵa bolady».
Al sáýirdiń 23-i kúni bássaýda úıinde 200-den asa alasha men tekemet buıymdary saýdaǵa túsedi. Onyń ishinde, jibek alasha kollektsıoneri Djordj Farroýdyń (Geroge F. Farrow) (1916-2001) buıymdary da bar.
Oksford ýnıversıteti tegin bergen kollektsııa buıymdary sáýirdiń 25-i kúni eldiń nazaryna usynylady. Odan túsken qarjy álemdegi eń kóne, Oksfordtaǵy kópshilikke arnalǵan Bodleı kitaphanasyn kútip ustaýǵa, sondaı-aq, Sasanıdter áýletin zertteýge jumsalady.
«Islam óneriniń aptalyǵy» saýdasyna shyǵarylatyn buıymdar ІH-HH ǵasyrdyń bas kezine tıesili. Jádigerler Úndi, Osmanly qaǵanaty jáne Fatımıd dáýirindegi Mysyr sheberleriniń qolynan shyqqan.
