Krıstına Sılaeva Germanııadaǵy álem kýbogi kezeńinde tórtinshi oryn aldy

ASTANA.KAZINFORM - Qazaqstandyq konkımen júgirýshi Krıstına Sılaeva Germanııanyń Intsell qalasynda ótip jatqan álem kýboginiń sheshýshi kezeńinde júldege bir qadam jetpeı qaldy.

Týrnır aıasynda 500 metr qashyqtyqta júldeler men reıtıngilik upaılar ekinshi ret sarapqa salyndy.

QR UOK málimetinshe, Sılaeva 37,67 sekýnd ýaqyt kórsetkishimen márege jetip, tórtinshi orynǵa ıe boldy.

Polshalyq Kaıa Zemek-Nogal (37,25) altyn medal jeńip aldy. Ekinshi oryndy Germanııa sportshysy Sofı Varmýt (37,61) ıelense, úzdik úshtikti Nıderland ókili Marrıt Fledderıýsqa (37,62) túıindedi.

Aıta keteıik, konkımen júgirýden Qazaqstan quramasynyń ókili Nadejda Morozova Germanııanyń Intsell qalasynda ótip jatqan álem kýbogi kezeńinde úzdik bestikke endi.

Qazaqstan Túrkııadaǵy Premer-lıga týrnırin qos altynmen aıaqtady.