Krıstına Shýmekova Japonııadaǵy álem kýbogy kezeńinde úzdik bestikke kirdi
ASTANA. KAZINFORM — Japonııanyń Obıhıro qalasynda konkımen júgirýden álem kýbogynyń ekinshi kezeńi bastaldy.
Jarystyń alǵashqy kúninde Qazaqstan quramasynyń ókili Krıstına Shýmekova 1000 metr qashyqtyqta besinshi oryn aldy.
Qazaqstandyq sportshy bul qashyqtyqty 1 mınýt 15,38 sekýndta júgirip ótip, jeńimpaz atanǵan Nıderland ókili Angel Dalemannan 1,68 sekýndqa qalyp qoıdy.
QR UOK málimetinshe, ekinshi oryndy taǵy bir nıderlandtyq Izabel Grevelt (1:14.66) ıelense, úzdik úshtikti polshalyq Vıktorııa Dabrovska (1:14.80) túıindedi.
Eske salaıyq, Qytaıdyń Beıjiń qalasynda ótken álem kýbogynyń alǵashqy kezeńinde Krıstına Shýmekova osy qashyqtyqta kúmis medal jeńip alǵan bolatyn.
Qazaqstandyq tóreshi voleıboldan álem chempıonatynda qazylyq etetinin jazǵan edik.