Krıstına Gaıak qazaqstandyqtar úshin Shengen vızasyn jeńildetýge qatysty pikir bildirdi

NUR-SULTAN. QazAqparat – Ispanııa Koroldigi Syrtqy ister, Eýropalyq odaq jáne yntymaqtastyq mınıstrliginiń memlekettik hatshysy Krıstına Gaıak qazaqstandyqtar úshin Shengen vızasyn alýdy jeńildetýge qatysty pikir bildirdi, dep habarlaıdy QazAqparat tilshisi.

«Biz Shengen vızsyna qatysty máselelerdi de talqyǵa saldyq. Ózderińizde bilesizder, ıspan tarapy Shengen vızasyn ashýǵa qatysty ustanymy oń. Degenmen, bul máselede Eýropalyq odaqqa múshe barlyq eldiń ortaq ymyrasy qajet. Jalpy, Ispanııanyń ustanymy oń ekendigin atap ótkim keledi», - dedi ol Qazaqstan Syrtqy ister mınıstrligi men Ispanııa Koroldigi Syrtqy ister, Eýropalyq odaq jáne yntymaqtastyq mınıstrligi arasyndaǵy saıası konsýltatsııalardyń 6-raýndy aıasynda BAQ ókilderine arnalǵan baspasóz máslıhaty barysynda.

Sonymen qatar ol shilde-tamyz aılarynda Ispanııa qazaqstandyq týrısterdi kútetindigin jáne olardyń qaýipsizdigin qamtamasyz etý úshin barlyq jaǵdaı jasalatyndyǵyn aıtyp sendirdi.