Krıstıan Shtoker Aýstrııa halyq partııasyna basshylyq etedi

ASTANA. KAZINFORM — Aýstrııa halyq partııasynyń (AHP) sezi federaldy kantsler Krıstıan Shtokerdi óziniń jetekshisi etip bekitti, dep jazady TASS.

Bul týraly AHP-nyń X áleýmettik jelisindegi paraqshasyndaǵy sezd qorytyndysy boıynsha jasalǵan málimdemede aıtylǵan.

Shtoker partııalastarynyń arasynda 98,42% daýysqa ıe boldy. Al onyń orynbasary etip Tıroldaǵy AHP fılıalynyń ókili Sofı Kırher taǵaıyndaldy.

2025 jyldyń qańtarynda Aýstrııa úkimetiniń burynǵy basshysy Karl Nehammer el kantsleri jáne AHP jetekshisi qyzmetinen ketetinin málimdedi. Keıinnen partııa basshylyǵy Shtokerdi ýaqytsha jetekshi etip taǵaıyndaýǵa sheshim qabyldady.

3 naýryzda Aýstrııa prezıdenti Aleksandr Van der Bellendiń aldynda respýblıkanyń jańa úkimeti ant berdi. Ol AHP, Aýstrııanyń Sotsıal-demokratııalyq partııasy jáne «Jańa Aýstrııa — lıberaldy forým» (NEOS) partııasynan quraldy. Koalıtsııalyq úkimetti Shtoker basqardy.

Buǵan deıin Aýstrııa bosqyndardyń otbasyn qaıta biriktirý protsesin ýaqytsha toqtatqanyn jazǵan edik.