Krıstıan Lýbýten Islam dinine qarsy topty sotta jeńip shyqty
ASTANA. 19 qazan. QazAqparat - Louboutin dep atalatyn brendpen aıaq kıim shyǵaratyn frantsýz dızaıneri Krıstıan Lýbýten Belgııada asyl dinimizge qarsy topty sot otyrysynda utyp ketti. Endigi jerde olarǵa buqaralyq aqparat quraldarynda ıslamǵa qarsy jarııalanatyn materıaldarda onyń aıaq kıiminiń fotosýretin paıdalanýǵa tyıym salyndy.
«Flamand múddesi» dep atalatyn separatıstik partııa eldiń kózine ottaı basylatyn bıik óksheli tabany ashyq qyzyl tústi Louboutin týflıin kıgen áıeldiń aıaqtary kóringen plakatty Flandrııada ilip tastaǵan bolatyn, dep habarlady muslim.kz.
Áıel aıaǵynda «Sharıǵat quptaıdy» degen jazýy bar syzyq beınelengen. Qara sandaǵy syzyqta «Taspen urý» degen jazýdy oqýǵa bolady. Plakatta «Flamand múddesi» partııasynyń atynan saılanǵan senator Anke Van Dermeerstiń aıaǵy beınelengen eken.
Antverpen soty partııaǵa barlyq plakatty alyp tastaý úshin bir táýlik mursat berdi. Belgııanyń burynǵy arýy Anke Van Dermeers sot sheshiminiń saıası astary bar dep esepteıdi. Partııa burynǵy plakattyń ornyna ózgesin ilip tastady. Bul joly senatordyń júrip kele jatqany emes, jatqany beınelengen. Bul joly da onyń aıaǵynda asyl dinimzge qarsy uran jazylǵan. Alaıda, onyń týflıiniń tabany sary tústi eken.
Krıstıan Lýbýten sottyń sheshimine qatysty óz pikirin aıta qoıǵan joq. Ol buryn mundaı plakattardyń onyń aty men abyroıyna kir keltirip, bıznesine zııan keltiretinin málimdegen edi.
