Krıshtıaný Ronaldýǵa eskertkish ornatylady
ASTANA. QazAqparat - Madrıdtik «Real» men Portýgalııa quramasynyń oıynshysy Krıshtıaný Ronaldýǵa týǵan jerinde eskertkish ornatylady.
Sheteldik BAQ-tyń habarlaýynsha, merekelik is-shara fýtbolshynyń týǵan jerinde - Maıdera aralynda ornalasqan Fýnshal qalasynda 21 jeltoqsan kúni ótedi.
Sondaı-aq 29 jastaǵy fýtbolshy halyqaralyq arenada sportty damytýǵa jáne nasıhattaýǵa úles qosqany úshin jergilikti bılikten arnaıy marapatqa ıe bolady.
Aıta keteıik, Ronaldý 2014 jylǵy «Altyn dopqa» úmitkerlerdiń tizimine enip otyr. Fýtbolshy buǵan deıin eki ret «Altyn dop» ıegeri atanǵan bolatyn (2008, 2013).
