Krıshtıaný Ronaldýdyń jalaqysynyń basym bóligi Saýd Arabııasynyń bıýdjetinen tólenedi

ASTANA. QazAqparat – Saýd Arabııasynyń «Al-Nasr» klýbyna aýysqan portýgalııalyq shabýylshy Krıshtıaný Ronaldýdyń jalaqysy qaıdan tólenetini belgili boldy, dep habarlaıdy QazAqparat tilshisi.

The Athletic basylymy málim etkenindeı, 37 jastaǵy oıynshy jalaqysynyń basym bóligi el bıýdjetinen tólenedi.

«Al-Nasr» klýby fýtbolshynyń jalaqysyna ketetin shyǵynnyń 10 paıyzyn ǵana jabady.

«Krıshtıaný Ronaldýdyń «Al-Nasr» klýbyndaǵy kepildik berilgen jyldyq jalaqysy 90 mln-daı dollardy quraıdy. Krıshtıanýdyń ókilderimen maquldanǵan kommertsııalyq jáne demeýshilik mámileler kelisimshartqa kiredi jáne jalpy tabysty 200 mln dollarǵa jýyqtatady», dep jazdy Fabrıtsıo Romano Twitter-de.

Portýgalııalyq fýtbolshymen kelisimsharttyń 2,5 jylǵa jasalǵany belgili. «Al-Nasr» klýby quramyndaǵy alǵashqy resmı matchtarynda Ronaldý nátıjeli oıynymen kózge túse qoıǵan joq.

Eske sala keteıik, budan buryn «Aqjaıyq» fýtbol klýbyna jańa bas bapker taǵaıyndalǵanyn jazǵan bolatynbyz.

Foto: Getty Images