Krıshtıaný Ronaldý jyldyń eń úzdik bombardıri atandy

Portýgalııa quramasy men «Al-Nasr» klýbynyń shabýylshysy Krıshtıaný Ronaldý bıyl 54 gol soǵyp, jyldyń eń úzdik bombardıri atandy, dep habarlaıdy Kazinform.

Ronaldýdyń komandasy saýdııalyq «Al-Taavýn» komandasyna qarsy kezdesýde 4:1 esebimen jeńiske jetti. Bul oıynda portýgalııalyq shabýylshy 92-mınýtta mergendik tanytyp, oıynnyń núktesin qoıdy. Sol arqyly ol bıyl soqqan golynyń sanyn 54-ke jetkizdi.

Odan keıingi oryndarda frantsııalyq Kılıan Mbappe («Parı Sen-Jermen»), anglııalyq Harrı Keın («Bavarııa») keledi. Olardyń enshisinde 52 goldan bar. Al norvegııalyq Erlıng Holand («Manchester Sıtı») 50 gol soqty.

Krıshtıaný Ronaldý mundaı nátıjege 2016 jyldan keıin qol jetkizip otyr. Ol jyly shabýylshy 55 márte nysanany dál kózdegen. 

Portýgalııalyq fýtbolshy «Al-Nasr» klýbynda 2023 jyldyń qańtar aıynan bastap óner kórsetedi. Atalǵan komanda sapynda barlyq týrnırde 43 oıynda 37 gol soǵyp, 13 márte nátıjeli pas berdi. 

Eske salsaq, budan buryn el fýtbolyndaǵy eleýli oqıǵalar jóninde oı bólisken edik.