Krıshtıaný Ronaldý jattyǵý kezinde jaraqattanyp qaldy
ASTANA. QazAqparat - Portýgalııa quramasynyń shabýylshysy Krıshtıaný Ronaldý komandanyń jattyǵýy kezinde sol tizesinen jaraqattandy. Bul týraly Goal habarlaıdy.
29 jastaǵy fýtbolshy alańnan aıaǵyn syltı basyp shyqty. Ázirge jaraqatynyń qandaı deńgeıde ekendigi aıtylmaı otyr.
Eger jaraqatynan jazylmaǵan jaǵdaıda ony basqa fýtbolshy aýystyrýy múmkin. Ereje boıynsha bul másele 15 maýsymǵa deıin sheshilýi tıis.
Eske sala ketsek, Brazılııadaǵy álem chempıonatynda Portýgalııa toptyq raýndta Germanııamen (16 maýsym), AQSh-pen (23 maýsym) Ganamen (26 maýsym) oınaýy tıis.
