Krıshtıaný Ronaldý jańa komandasyndaǵy alǵashqy oıynyn 5 qańtarda ótkizýi múmkin
ASTANA. QazAqparat – Portýgaldyq shabýylshy Krıshtıaný Ronaldý Saýd Arabııasynyń «Al-Nasr» komandasy sapyndaǵy alǵashqy oıynyn 5 qańtarda ótkizýi múmkin, dep habarlaıdy QazAqparat tilshisi.
Portýgaldyq shabýylshy 2 qańtarda jańa komandasynyń sapyna qosyldy. Ol alǵashqy oıynyn aldaǵy beısenbide, 5 qańtarda ótkizý múmkin.
«Al-Nasr» komandasy 1955 jyly qurylǵan. Qazirge deıin óz eliniń birinshiliginde toǵyz márte chempıon atanyp úlgerdi. Al, 1998 jyly Azııa kýbogi ıeleri kýboginde jeńis tuǵyryna kóterildi.
Komanda quramynda kolýmbııalyq qaqpashy Davıd Ospına, ıspanııalyq qorǵaýshy Alvaro Gonsales, argentınalyq jartylaı qorǵaýshy Gonsalo Martınes, kamerýndyq shabýylshy Vensan Abýbakar sekildi tanymal fýtbolshylar oıyn kórsetedi.
Eske salsaq, budan buryn Krıshtıaný Ronaldý jańa komandaǵa aýysýy jóninde pikir bildirdi.
Foto: GOLÝBOVICh DMITRII, «ChEMPIONAT»
