Krıshtıaný Ronaldý ulttyq qurama sapynda álemdik rekordty jańartty
ASTANA. QazAqparat - Portýgalııalyq shabýylshy Krıshtıaný Ronaldý ulttyq qurama sapynda oıyn kórsetý jónindegi álemdik rekordty jańartty, dep habarlaıdy QazAqparat tilshisi.
Fýtboldan 2024 jylǵy Eýropa chempıonatynyń irikteý satysynda Portýgalııa J tobynda Lıhtenshteın quramasymen kezdesip jatyr.
Atalǵan matchta Krıshtıaný Ronaldý negizgi quramda jasyl alańǵa shyqty.
Bul - portýgalııalyq shabýylshynyń ulttyq qurama sapyndaǵy 197 oıyny. Osylaısha ol álemdik rekordty jańartyp otyr.
Krıshtıaný Ronaldý Kýveıt sapynda 196 oıyn ótkizgen Bader Al-Mýtavty artqa tastap ketti.
Sondaı-aq, Malaızııa quramasynan So Chın Enna ulttyq qurama jeıdesinde 195 kezdesý ótkizgen edi.
Eske salsaq, Qazaqstan quramasy 2024 jylǵy Eýropa chempıonatynyń irikteý satysynda Slovenııaǵa 1:2 esebimen jol berdi.
Foto: sportsweek.org
