Krıshtıaný Ronaldý ulttyq chempıonattardaǵy 500 golyn soqty

ASTANA. QazAqparat - Portýgalııa quramasy men Saýd Arabııasynyń «Al Nasr» klýbynyń shabýylshysy Krıshtıaný Ronaldý ulttyq chempıonattardaǵy 500 golyn soqty, dep habarlaıdy QazAqparat tilshisi.

«Al Nasr» klýby búgin ulttyq chempıonatta «Al Vehda» komandasyna qarsy oıyn ótkizdi. Oıynnyń 21-mınýtynda Krıshtıaný Ronaldý qarsylas komanda qaqpasynan sańylaý tapty.

Odan keıin ol 40, 53 jáne 61-mınýttarda taǵy úsh gol soqty. Osylaısha búgin poker jasady.

Osylaısha portýgaldyq fýtbolshy ulttyq chempıonattardaǵy 500 golyn soqty.

Ol buǵan deıin ıspanııalyq La lıgada 311, Anglııa Premer-lıgasynda 103, ıtalıandyq A serııasynda 81, Portýgalııa chempıonatynda 3 gol gol soqqan edi.

Ótken jyldyń sońynda Krıshtıaný Ronaldý Saýd Arabııasynyń «Al Nasr» komandasyna aýysty. Ulttyq chempıonattaǵy alǵashqy golyn 22 qańtarda «Al-Fateha» klýby qaqpasyna engizdi.

«Altyn doptyń» bes dúrkin ıegeri qazirge deıin «Sportıng» (Portýgalııa), «Manchester ıÝnaıted» (Anglııa), «Real Madrıd» (Ispanııa) jáne «ıÝventýs» (Italııa) klýbtarynda dop tepti.

Krıshtıaný Ronaldý óziniń fýtboldaǵy mansabynda 1056 oıynǵa qatysyp, barlyǵy 750 márte qaqpany dál kózdedi.

Eske salsaq, budan buryn fýtboldan klýbtar arasyndaǵy álem chempıonatynda «Real Madrıd» fınalǵa shyqty.

Foto: CNN