Krıshtıaný Ronaldý ulttyq quramadan shettetildi
ASTANA. KAZINFORM — Portýgalııa fýtbol federatsııasy «Altyn doptyń» bes dúrkin ıegeri Krıshtıaný Ronaldýdy ulttyq qurama sapynan ýaqytsha shettetý týraly sheshim qabyldady. Buǵan fýtbolshynyń komandadan óz betinshe ketýi sebep bolǵan, dep habarlaıdy Report.
Ronaldýdyń komandadan ketýine Portýgalııa quramasynyń bas bapkeri Jorje Jezýshpen aradaǵy janjal sebep bolǵan.
Portýgalııa fýtbol federatsııasynyń tártiptik erejesine sáıkes, ulttyq qurama ornalasqan jerden ruqsatsyz ketken oıynshy bir aıdan 6 aıǵa deıin oıyndardan shettetilýi múmkin. Sonymen qatar oǵan 500-den 1 000 eýroǵa deıin aıyppul salynady.
Ronaldý jattyǵý jıynynyń ortasynda ulttyq quramadan ketken. Fýtbolshynyń aıtýynsha, Jezýsh oǵan bergen ýádesin eki ret oryndamaǵan.
Portýgalııalyq oıynshy Ulttar lıgasynyń jańa maýsymyndaǵy Ýelske qarsy alǵashqy matchqa qatysyp, komandasynyń 1:0 esebimen jeńýine úles qosty. Alaıda Norvegııaǵa qarsy kezdesýdi (2:1) qosalqy quramda ótkizdi.
Ronaldýdyń túsindirýinshe, bastapqyda ony Norvegııaǵa qarsy matchqa qatystyrý josparlanbaǵan. Degenmen jattyqtyrýshy alańǵa shyǵýǵa daıyn bolýyn surap, oıynshyny 30 mınýttan keıin qosalqy quramnan shyǵarýǵa ázirlenýdi tapsyrǵan. Ronaldý tipti alańǵa shyǵar aldynda boı jazý jattyǵýlaryn da jasaǵanymen, bapker ony oıynǵa qospaǵan.
Buǵan deıin Ronaldý jankúıerlerinen keshirim surap, ulttyq quramadaǵy mansabyn aıaqtamaıtynyn málimdegen edi.
