Krıshtıaný Ronaldý tarıhtaǵy alǵashqy mıllıarder fýtbolshy atandy
NUR-SULTAN. QazAqparat «ıÝventýstiń» portýgalııalyq shabýylshysy Krıshtıaný Ronaldý $1 mlrd tabys tapqan álemdegi alǵashqy fýtbolshy boldy. Bul týraly amerıkalyq Forbes jýrnaly habarlady.
35 jastaǵy oıynshy 2020 jyly $105 mln aqsha taýyp, Forbes reıtınginde tórtinshi oryn ıelendi. Argentınalyq Lıonel Messı ($104 mln) tizimde besinshi orynǵa jaıǵasqan. Ol kelesi jyly mıllıarderler tizimin tolyqtyrýy múmkin. Al Ronaldý sportshylar arasynda tennısshi Rodjer Federerden keıin ($106,3 mln) ekinshi boldy.
$1 mlrd qarjynyń $650 mıllıony fýtbolshynyń 17 jyl boıy kásibı mansabynda alǵan jalaqysy ekeni atalyp ótildi. «ıÝventýspen» kelisimge sáıkes, 2022 jyly bul soma $765 mln qarajatqa ósýi tıis.
Ronaldý «ıÝventýs» quramynda 2018 jyldyń jazynan beri alańǵa shyǵyp keledi. Buǵan deıin ol ıspandyq «Real», Anglııanyń «Manchester ıÝnaıtedi» men portýgalııalyq «Sportıng» quramynda oınady. Ol bes ret «Altyn dop» ıegeri, Chempıondar lıgasynyń bes dúrkin jeńimpazy, úsh dúrkin Anglııa chempıony, eki ret Ispanııa jáne Italııa chempıony bolǵan.
