Krıshtıaný Ronaldý tarıhı mejege jetý úshin taǵy 14 ret kózge túsýi kerek
ASTANA. KAZINFORM — Portýgalııalyq shabýylshy Krıshtıaný Ronaldý kásibı mansabyndaǵy 986-golyn soqty.
Endi fýtbolshyǵa 1 000 goldyq mejege jetý úshin taǵy 14 gol qajet. Bul týraly Informsports.kz jazdy.
Portýgalııa quramasynyń Instagram-daǵy resmı paraqshasynda Krıshtıaný Ronaldýdyń kezekti golyna qatysty jazba jarııalandy.
— 986 gol artta. Myńdyq mejege jetý úshin taǵy 14 gol kerek, — delingen ulttyq quramanyń jazbasynda.
Ronaldý Saýd Arabııasy chempıonatynyń toǵyzynshy týrynda «Ál-Ahlı» komandasyna qarsy oıynda «Ál-Nasr» sapynda gol soqty.
Jıdda qalasynda ótken matchta Ronaldý óner kórsetetin «Ál-Nasr» komandasy qarsylasyna 1:3 esebimen ese jiberdi.
Kásibı mansabynda Ronaldý barlyǵy 986 gol soqqan. Onyń 840-y klýbtardaǵy oıyndaryna, al 146-sy Portýgalııa quramasy sapyndaǵy matchtarǵa tıesili.
Eske salaıyq, buǵan deıin 2026 jylǵy 21 qarasha kúni Shanhaı qalasyndaǵy Nankın kóshesinde álemdik fýtboldyń jarqyn juldyzy Krıshtıaný Ronaldýdyń qurmetine arnalǵan jer betindegi eń bıik eskertkish saltanatty túrde ashylǵanyn habarlaǵanbyz. Sonymen birge ańyz fýtbolshynyń Qytaıdaǵy alǵashqy mýzeıiniń ashylý rásimi ótti.
Al onyń aldynda fýtbol tarıhyndaǵy eń úzdik oıynshylardyń biri Ronaldýdyń Portýgalııa ulttyq quramasyndaǵy mansaby aıaqtalǵany týraly jazǵan edik.