Krıshtıaný Ronaldý taǵy bir rekord ornatty

ASTANA. KAZINFORM – Portýgalııa ulttyq quramasynyń shabýylshysy Krıshtıaný Ronaldý 22 jyl qatarynan quramasynyń sapynda gol soqqan tarıhtaǵy alǵashqy fýtbolshy boldy. Bul týraly Report jazdy.

40 jastaǵy shabýylshy bir kún buryn Ulttar lıgasynyń shırek fınaldyq qarymta kezdesýinde Danııa quramasyna qarsy oıynda gol soqqan bolatyn.

Portýgalııalyqtar skandınavııalyqtardy qosymsha ýaqytta 5:2 esebimen jeńdi. 

Krıshtıaný Ronaldýdyń enshisinde 929 gol bar. Jalpy, Ronaldý Portýgalııa quramasynyń sapynda 217 match ótkizip, 136 gol soqqan. Portýgalııa quramasynyń quramynda Ronaldý 2016 jyly Eýropa chempıonatynda jeńiske jetti.

Aıta keteıik, buǵan deıin Ulttar lıgasynda Frantsııa quramasy Horvatııanyń osal tusyn tapqanyn jazǵan edik.