Krıshtıaný Ronaldý saýdııalyq «Al-Nasr» klýbyna aýysýy múmkin

ASTANA. QazAqparat – Portýgalııa quramasynyń shabýylshysy ári kapıtany Krıshtıaný Ronaldý Saýd Arabııasynyń «Al-Nasr» klýbyna aýysýy múmkin, dep habarlaıdy QazAqparat tilshisi.

Ispanııalyq «Marca» gazetiniń jazýynsha, «Al-Nasr» klýbynyń basshylyǵy Ronaldýǵa 2,5 jylǵa kelisimshart usynǵan.

Kelisim boıynsha portýgalııalyq oıynshy jylyna 200 mln eýro tabatyn bolady. Buǵan onyń jalaqysy men jarnamalyq kelisimsharttary kiredi.

Basqa klýbtar mundaı iri kólemdegi kelisimshartty usyna almaıtyndyqtan, Ronaldýdyń atalmysh komandanyń qatarynan tabylýy ábden yqtımal.

Qazirgi kezde K.Ronaldýdyń Portýgalııa quramasy sapynda Qatardaǵy álem chempıonatyna qatysyp jatqany belgili. Ol – osy dúnıejúzilik dodadaǵy klýbsyz júrgen jalǵyz oıynshy. Portýgalııa H tobynda alǵashqy eki kezdesýinde jeńiske qol jetkizip, sońǵy oıynnyń nátıjesine qaramastan, pleı-off kezeńine shyqty.

Eske sala keteıik, budan buryn Krıshtıaný Ronaldýdyń «Manchester ıÝnaıted» klýbynan ketkenin, Portýgalııanyń Frantsııa men Brazılııadan keıin pleı-off kezeńine shyqqanyn jazǵan bolatynbyz.

Sondaı-aq Iran-AQSh matchy nesimen álem nazaryn aýdaryp otyr.

Ekvadordy joldan taıdyrǵan Senegal pleı-ofqa shyqty.

Nıderland quramasynyń shabýylshysy óz eliniń rekordyn ornatty.

Irandy jeńgen AQSh pleı-ofqa joldama aldy.