Krıshtıaný Ronaldý salyq tóleýden jaltardy dep aıyptalýda
ASTANA. QazAqparat - Madrıdtik «Real» men Portýgalııa quramasynyń fýtbolshysy Krıshtıaný Ronaldýǵa salyq tólemegeni úshin segiz mıllıon eýro aıyppul tólem, tórt aıǵa qamalýy múmkin. Bul týraly Lenta.rý habarlaıdy.
Ispanııanyń salyq vedomstvosy 2009 jyldan beri «Realda» oınap kele jatqan fýtbolshynyń 2011-2014 jyldar aralyǵynda segiz mıllıon eýro salyq tólemeı kelgeni týraly dálelderi bar ekendigine senimdi.
Sondaı-aq, salyq ınspektorlarynyń bul másele jaıly pikirleri ártúrli. Keıbireýler Ronaldýǵa qatysty qylmystyq is qozǵamaı, onyń bul áreketin ákimshilik quqyq buzýshylyq retinde baǵalaǵan durys dep esepteıdi.
Sonymen qatar, ol 2,1 mıllıon eýro kóleminde aıyppul tóleýi kerek. Ispanııanyń zańnamasyna sáıkes, onyń eki jylǵa deıin bas bostandyǵynan aıyrý jazasy shartty jazamen almastyrylýy múmkin.
Eske sala keteıik, buǵan deıin Argentına quramasynyń kóshbasshysy Lıonel Messıge de salyqtan jaltardy dep aıyp taǵylyp, úkim shyǵarylǵan bolatyn.
