Krıshtıaný Ronaldý «Realdan» ketti
ASTANA. QazAqparat - Fýtboldan Portýgalııa quramasynyń jáne ıspandyq «Real» klýbynyń shabýylshysy Krıshtıaný Ronaldý Italııanyń «ıÝventýs» komandasyna aýysty. Bul týraly TASS agenttigi «Realdyń» baspasóz qyzmetine silteme jasap habarlady.
Buǵan deıin buqaralyq aqparat quraldary 33 jastaǵy portýgaldyqqa «ıÝventýsta» jylyna 30 mln eýro jalaqy tólenetinin jazǵan edi.
«Krıshtıaný Ronaldýdyń ótinishine jaýap retinde klýb ony «ıÝventýsqa» satýdy uıǵardy. «Real» klýb tarıhynda jarqyn qubylystardyń biri bolǵan Krıshtıaný Ronaldýǵa alǵysyn bildiredi jáne esigimiz ol úshin árdaıym ashyq ekenin jetkizedi», - delingen ıspandyq klýbtyń habarlamasynda.
Ronaldý kásibı mansabyn 2002 jyly portýgaldyq «Sportıngte» bastady. Bir jyldan keıin ony 14 mln eýroǵa aǵylshynnyń «Manchester ıÝnaıted» klýby satyp aldy. Aǵylshyn klýbynda ol alty jyl oınap, úsh ret el chempıonatynda jeńiske jetýge kómektesti. Sondaı-aq Anglııanyń Kýbogy men Sýperkýbogyn ıelenýge, Chempıondar lıgasy men klýbtyq álem chempıonatynda jeńis tuǵyrynan kórinýge atsalysty.
2009 jyly Ronaldý «Realǵa» aýysty. Komanda eki ret Ispanııa chempıony, osynsha ret eldiń Kýbogy men Sýperkýbogyn jeńip aldy. Fýtbolshy komandalastarymen birge Chempıondar lıgasynda - tórt ret, ÝEFA Sýperkýbogynda - eki ret jáne klýbtyq álem chempıonatynda úsh ret birinshi boldy. Forvard «Real» úshin 468 match ótkizip, 450 gol soqty. Osylaısha, ıspandyq klýbtyń tarıhynda eń úzdik shabýylshy atandy. Ol jyl qorytyndysy boıynsha álemniń úzdik oıynshysyna beriletin «Altyn dopty» bes ret ıelengen bolatyn.
