Krıshtıaný Ronaldý Portýgalııa quramasynyń eki oıynyna shaqyrtý aldy
ASTANA. QazAqparat - Portýgalııa quramasynyń bas bapkeri Roberto Martınes 2024 jylǵy Eýropa chempıonaty irikteý satysyndaǵy eki oıynǵa Saýd Arabııasynyń «Al-Nasr» komandasynyń 38-jastaǵy shabýylshysy Krıshtıaný Ronaldýdy shaqyrdy, dep habarlaıdy QazAqparat tilshisi.
Portýgalııalyq fýtbolshylar Lıhtenshteın (23 naýryz) jáne Lıýksembýrg (26 naýryz) quramalarymen sheberlik baıqasady. Bas bapker Roberto Martınes atalǵan oıyndarǵa Krıshtıaný Ronaldýdy shaqyrýdy jón kórdi.
Bul - belgııalyq mamannyń Portýgalııa quramasy bas bapkeri qyzmetindegi alǵashqy oıyndary.
Ol 2022 jylǵy álem chempıonatynan keıin qyzmetinen ketken Fernandý Santýshty almastyrdy. Katarda ótken dop dodasynda portýgalııalyq fýtbolshylar 1/4 fınalda Marokko (0:1) quramasynan jeńilip, jarysty erte aıaqtady.
38-jastaǵy Ronaldý óz eliniń quramasy sapynda 2003 jyldan beri oıyn kórsetip keledi. Ol atalǵan 196 kezeńde 118 goldyń avtory atanyp, 43 nátıjeli pas berdi.
