Krıshtıaný Ronaldý: «Portýgalııa quramasy sapyndaǵy alǵashqy oıynymdy 2003 jylǵy 20 tamyz kúni Qazaqstanǵa qarsy ótkizgenim áli esimde»
ASTANA. 19 qazan. QazAqparat - Portýgalııa quramasynyń shabýylshysy Krıshtıaný Ronaldý halyqaralyq arenada 100 match ótkizip, ÝEFA-nyń syılyǵyna ıe bolǵan kezekti aıaqdopshy atandy, dep habarlaıdy UEFA.com resmı saıty.
Ol Soltústik Irlandııaǵa qarsy matchta (1:1) óziniń ulttyq qurama sapyndaǵy 100-shi oıynyn ótkizdi. Búgingi tańda onyń enshisinde qarsylastar qaqpasyna soqqan 37 dop bar.
«Portýgalııa quramasy sapyndaǵy alǵashqy oıynymdy 2003 jylǵy 20 tamyz kúni Qazaqstanǵa qarsy ótkizgenim áli esimde. Bul meniń ǵumyrymdaǵy esten ketpes sátterdiń biri, ol maqtan tuta alatyn úlken ómirlik saparǵa alǵashqy qadam boldy. Osyndaı jetistikke jetýge kómektesken barlyq áriptesterime alǵys bildirgim keledi. Keshe komandalar alańǵa shyǵar aldynda jankúıerler «Álemniń úzdik fýtbolshysy, 100 match» degen úlken banner ilip qoıypty», - dep jazypty Ronaldý óziniń "Facebook" paraqshasynda.
