Krıshtıaný Ronaldý podıýmǵa shyqty
ASTANA. QazAqparat - Madrıdtik «Real» klýbynyń shabýylshysy Krıshtıaný Ronaldý podıýmnan júrip, óziniń CR7 brendiniń jańa toptamadaǵy kıimderin kórsetti, dep habarlaıdy The Hypebeast.
Tanystyrylym Gımaraınsh qalasynda (Portýgalııa) ótti, dep jazady lenta.ru .
«Bastapqyda sál qobaljyp turdym. Men úshin bul tipti jańa tájirıbe, biraq ózime qyzyq boldy», - degen fýtbolshy jańa toptamasyn týǵan elde tanystyrý ol úshin úlken qurmet ekenin aıtty.
Tanystyrylym kezinde aıaq kıimniń jańa úlgileri kórsetildi. Sondaı-aq CR7 brendimen ish kıimder men kıimder shyǵarylýda, al aldaǵy ýaqytta Ronaldý ıissýlar shyǵarýdy josparlap otyrǵanyn málimdedi.
2014 jyly Goal.com portaly Ronaldýdy álemniń eń dáýletti fýtbolshysy dep tanydy. Sarapshylar sportshynyń dáýletin 210 mıllıon eýroǵa baǵalaǵan. Ol mundaı tabysqa madrıdtik «Realmen» jasaǵan kelisimsharty, sondaı-aq Toyota, Nike, Herbalife, Emirates, Castrol, Samsung jáne taǵy basqa túrli brendtermen yntymaqtastyq qurýynyń arqasynda qol jetkizdi.
