Krıshtıaný Ronaldý óz mansabynda 1200 oıyn ótkizip, jańa rekordyna qol jetkizdi

Fýtboldan Portýgalııa quramasy men Saýd Arabııasynyń «Al-Nasr» komandasynyń shabýylshysy Krıshtıaný Ronaldý óz mansabynda 1200 oıyn ótkizip, jańa rekordyna qol jetkizdi, dep habarlaıdy Kazinform tilshisi.

«Al-Nasr» sapynda «Al-Rııadqa» qarsy ótkizilgen kezdesý ataqty fýtbolshynyń óz mansabyndaǵy 1200 oıyny esebinde tirkeldi.

Ol atalǵan mejeden ótken besinshi fýtbolshy bolyp otyr. Buǵan deıin ol mejeni aǵylshyn Pıter Shılton (1375) men Pol Bestok (1286), brazılııalyq Rojerıo Senı (1237) men Fabıo Lopes (1212) baǵyndyrǵan edi.

Bıyl 5 aqpanda 39 jasqa tolatyn fýtbolshy óz mansabynda Portýgalııanyń «Sportıng Lıssabon», Anglııanyń «Manchester ıÝnaıted», Ispanııanyń «Real Madrıd», Italııanyń «ıÝventýs» klýbtarynda oıyn kórsetti.

2022 jyldyń 30 jeltoqsanynan Saýd Arabııasynyń «Al-Nasr» klýbymen 2,5 jylǵa kelisim-shartqa qol qoıdy. 2003 jyldan ulttyq qurama sapynda oıyn kórsetip keledi.

Eske salsaq, endi Argentına quramasynda onynshy nómirli jeıde Messıden keıin eshkimge berilmeıtin boldy.