Krıshtıaný Ronaldý Nepaldaǵy zilzaldan zardap shekkenderge 7 mln. eýro bóldi

ASTANA. QazAqparat - Madrıdtik «Real» klýbynyń shabýylshysy Krıshtıaný Ronaldý Nepaldaǵy jer silkinisinen zardap shekkenderge 7 mln. eýro bóldi.

Mirror basylymynyń jazýynsha, 2014 jyly tabysy eń joǵary bolǵan fýtbolshy Ronaldý Nepaldaǵy zilzaladan zardap shekken otbasylarǵa kómek retinde Save the Children qaıyrymdylyq qoryna óz esepshotynan 7 mln. eýro aýdarǵan.

Sondaı-aq ol áleýmettik jeli arqyly óziniń jankúıerlerin qaıyrymdylyqpen aınalysýǵa, tabıǵat apatynynyń kesirinen úı-kúısiz qalǵan jandarǵa qol ushyn sozýǵa shaqyrdy, dep jazady sheteldik BAQ.

Aıta keteıik, Nepalda terbelisi 7,9 ballǵa jetken joıqyn zilzala 25 sáýir kúni tańerteń boldy. Sońǵy málimetter boıynsha qurbandar sany 8019 adamǵa jetti, al 17 876 adam jaraqattanyp, 366 adam iz-túzsiz joǵalǵandardyń qatarynda.