Krıshtıaný Ronaldý sporttyq mansabyn qashan aıaqtaıtynyn aıtty

ASTANA. KAZINFORM — Portýgalııa quramasy men Saýd Arabııasynyń «Al-Nasr» komandasynyń shabýylshysy jáne kapıtany Krıshtıaný Ronaldý sporttyq mansabyn qashan aıaqtaıtynyn aıtty.

Álem fýtbolynyń jaryq juldyzy Saýd Arabııasy Pro-Lıgasy 7-týryndaǵy «Al-Feıh» (2:1) komandasymen kezdesýden keıin aldaǵy maqsaty jóninde pikirin bildirdi.

— Bul — men úshin de, búkil komanda úshin de keremet kesh. «Al-Nasr» jeńdi, men eki gol soqtym, bul — óte mańyzdy. Árqashan sporttyq salada uzaq oınaýǵa tek qushtarlyqtyń arqasynda qol jetkizýge bolatynyn aıtamyn. Men fýtboldy jaqsy sezinemin. Sondyqtan sportyq mansabymdy jaqyn ýaqytta toqtatpaımyn. Jasyl alańdaǵy ónerimdi áli de jalǵastyrǵym keledi, - dedi ol.

Portýgalııalyq fýtbolshy Pro-Lıgada jeti kezdesýde 8 gol soǵyp úlgerdi. Ol 2023 jyldan beri «Al-Nasr» sapynda 84 kezdesýde 82 márte qarsylastar qaqpasyn dál kózdedi.

Aıta ketsek, Ronaldý álem chempıonatynyń irikteý matchtarynda barlyǵy 41 gol soǵyp, jańa rekord ornatty.