Krıshtıaný Ronaldý leıkemııamen syrqattanǵan balalarǵa donor boldy
ASTANA. 30 qarasha. QazAqparat - Madrıdtik «Real» fýtbol klýby men Portýgalııa qurama komandasynyń serkesi Krıshtıaný Ronaldý er jigitke tán márttikke baryp, óziniń súıek kemigi maıynyń bir bóligin leıkemııamen syrqattanǵan balalarǵa kómektesetin qorǵa berdi. Ol leıkemııamen aýyratyn balalarmen kezdesip: «Sender men úshin naǵyz qaharmansyńdar. Aýyr keselmen kúresý úshin úlken kúsh-jiger men tabandylyq kerek»,- dedi.
Bul týraly muslim.kz habarlady.
Krıshtıaný Ronaldý tilshilerge bergen suhbatynda aıtqandaı, ol «Benfıka» klýbynyń jáne Portýgalııa quramasynyń jartylaı qorǵaýshysy Karlýsh Martınshtyń balasynyń osy dertke shaldyqqanyn estip, donor bolýǵa bel baılaǵan.
Krıshtıaný Ronaldý: «Eger «Altyn dopty» ıelensem, osynyń qurmetine leıkemııamen aýyratyn barlyq balany merekege shaqyramyn»,- dedi.
