Krıshtıaný Ronaldý kezekti ret «Altyn dop» ıegeri atandy
ASTANA. QazAqparat - Madrıdtik «Real» fýtbol klýbynyń şabýyldaýshysy Krıshtıaný Ronaldý 2014 jyldyń qorytyndysy boıynsha álemdegi úzdik fýtbolshy retinde FIFA-nyń «Altyn doby» nagradasyn alady, dep habarlady «R-Sport» agenttigi.
Nagradaǵa Barselona shabýyldaýshysy argentınalyq Lıonel Messı men mıýnhendik «Bavarııa» jáne Germanııa quramasynyń qaqpashysy Manýel Noıer de úmitker bolǵan. Ronaldý daýys berý nátıjesi boıynsha 37,66 paıyz daýys jınasa, Messı - 15,16 paıyz, Noıer - 15,72 paıyz daýys jınady. Daýys berýge qurama komandalardyń 181 bapkeri, 182 qurama kapıtany, 181 BAQ ókili qatysty.
Bul jaıynda 12 qańtarda Tsıýrıhte rásimde resmı jarııalanady. Ótken jyldyń qorytyndysy boıynsha da «Altyn dop» Krıshtıaný Ronaldýǵa buıyrǵan edi. Buǵan deıin tórt jyl qatarynan bul júldeni Messı ıelengen bolatyn.
