Krıshtıaný Ronaldý HHІ ǵasyrdyń úzdik fýtbolshysy atandy
NUR-SULTAN. QazAqparat – Fýtboldaǵy jetistikter úshin beriletin «Globe Soccer Awards» syılyǵynyń ıegerleri anyqtaldy. Saltanatty marapattaý rásimi 27 jeltoqsan kúni Dýbaıda ótti. QazAqparat bul týraly Eurosport-qa silteme jasap habarlaıdy.
«HHІ ǵasyrdyń úzdik bapkeri» nomınatsııasynda (2001-2020 jyldar aralyǵynda) «Manchester Sıtı»-diń tizginin ustaǵan Pep Gvardıola jeńiske jetti. Bul syılyqqa úmitkerler qatarynda Zınedın Zıdan («Real»), Joze Moýrınıý («Tottenhem») jáne Aleks Fergıýson («Manchester ıÝnaıted»-tiń burynǵy bapkeri) boldy.
«2020 jyldyń úzdik bapkeri» ataǵy «Bavarııa»-men jumys isteıtin Hans-Dıter Flıkke berildi. Ol «Lıverpýl»-dan ıÝrgen Kloppty jáne «Atalanty»-dan Djan Pero Gasperındi artta qaldyrdy.
«HHІ ǵasyrdyń úzdik oıynshysy» nomınatsııasynda «ıÝventýs» klýbynyń 35 jastaǵy múshesi Krıshtıaný Ronaldý aldy. Onymen birge baqtalasqa túsken – Messı, Mohamed Salah jáne Ronaldıno.
K.Ronaldý sondaı-aq «2020 jyldyń úzdik oıynshysy» ataǵyn alýy kerek edi. Sebebi ol daýys berý nátıjesi boıynsha Robert Levandovskıı men Lıonel Messıdi basyp ozǵan. Alaıda, qazylar alqasy syılyqty «Bavarııanyń» shabýylshysy R. Levandovskııge berýdi sheshti.
