Krıshtıaný Ronaldý fýtbol álemimen qashan qosh aıtysatynyn málim etti
ASTANA. QazAqparat - Álemniń úzdik fýtbolshylarynyń biri Krıshtıaný Ronaldý neshe jasta sporttaǵy mansabyn aıaqtaǵysy keletinin aıtty, dep habarlady madrıdtik «Real» saıtyna silteme jasaı otyryp «Sport-Ekspress».
«Qýatym barda, oınaı beremin dep aıtýyma bolar edi, alaıda ózim shamamen 35-36 jasqa deıin oınaımyn dep josparlaýdamyn», - dedi Ronald - Árıne, ol jasqa jetkende, pikirim ózgerýi de múmkin».
Ronaldý mansabyn qaı klýbta aıaqtaıtynyn naq basyp aıta almady. «Bilmeımin, bul ázirge belgisiz», - dedi ol. Eske sala keteıik, Krıshtıaný Ronaldý «Altyn doptyń» eki dúrkin ıegeri jáne soqqan goldarynyń sany boıynsha Portýgalııa quramasynyń rekordshysy.
