Krıshtıaný Ronaldý Eýro-2016 matchynda rekord ornatty
ASTANA. QazAqparat - Portýgalııa men Avstrııa 2016 jylǵy Eýropa chempıonatynyń toptyq kezeńininiń ekinshi týryndaǵy matchty teń aıaqtady, dep habarlady R-Sport.
Ǵ tobynyń senbi kúngi Parıjdiń «Park de Prens» stadıonyndaǵy kezdesýi 0:0 esebimen aıaqtaldy. 79-mınýtta portýgaldyqtar penaltıge ıe boldy, alaıda Krıshtıanýdyń soqqysy qaqpanyń mańdaıshasyna tıdi.
Bul matchta shabýyldaýshy Krıshtıaný Ronaldý portýgalııa quramasyndaǵy oıyndar sany jónindk rekord (128) ornatty jáne portýgaldyqtar quramynda 127 match ótkizgen Lýısh Fıgýdiń rekordyn jańartty. Sondaı-aq «Real» forvardy gollandtyq qaqpashy Edvın van der Sardyń jáne frantsýz qorǵaýshysy Lıllıan Tıýramnyń Eýropa chempıonattarynyń fınaldyq týrnırlerindegi matchtar sany boıynsha jetistikterin qaıtalady. Endi barlyq oıynshylarda 16 matchtan bar.
Vengrııa quramasy Ǵ kvartetinde (4 upaı) kósh bastaýda, Islandııa men Portýgalııa komandalarynda 2 upaıdan bar, kesteni bir upaımen avstrııalyqtar tuıyqtady.
Toptyń kezeńniń 22 maýsymdaǵy qorytyndy týrynda portýgaldyq fýtbolshylar Lıonda Vengrııa quramasymen oınaıdy, al avstrııalyqtar bul kúni Parıjde Ispanııa komandasymen kezdesedi.
