Krıshtıaný Ronaldý eń kóp jalaqy alatyn fýtbolshy atandy
ASTANA. QazAqparat – Portýgalııalyq shabýylshy Krıshtıaný Ronaldý fýtbol tarıhynda eń kóp jalaqy alatyn oıynshy atandy, dep habarlaıdy QazAqparat tilshisi.
Marca saıtynan málim etkenindeı, 37 jastaǵy Ronaldý saýdııalyq «Al-Nasr» klýbynda jarnamalyq kelisimsharttardy qosa eseptegende, maýsymyna 200 mln-daı eýro alatyn bolady. Bul – fýtbol tarıhyndaǵy eń kóp jalaqy.
Ronaldýdyń jalaqysy saýdııalyq klýbpen kelisimshart boıynsha 100 mln eýroǵa jetińkiremeıdi. Kommertsııalyq quqyqtardy júzege asyrýdyń nátıjesinde qalǵan qarjynyń orny tolady. Portýgalııalyq oıynshy 2,5 jylǵa deıin kelisimshartqa otyrdy. Degenmen ol 2030 jylǵa deıin sol jylǵy álem chempıonatyn ótkizýge ótinim beretin Saýd Arabııasynyń elshisi rólin atqarmaq.
Eske sala keteıik, budan buryn Krıshtıaný Ronaldýdyń «Al-Nasr» klýbymen uzaq merzimdi kelisimshartqa otyrǵanyn jazǵan bolatynbyz.
Sondaı-aq Krıshtıaný Ronaldý «Al-Nasr» klýbymen resmı túrde kelisimshartqa otyrǵanyn, kelisim 2 jylǵa jasalǵanyn jazdyq.
