Krıshtıaný Ronaldý balalarynyń anasyna úılený týraly usynys jasady

ASTANA. KAZINFORM – Belgili fýtbolshy, saýdııalyq «Al-Nasr» komandasynyń shabýylshysy Krıshtıaný Ronaldý súıiktisi Djordjına Rodrıgeske usynys jasady. 

Otyz bir jastaǵy model áleýmettik jelide saýsaǵyna úlken gaýhar júzik taqqan sýretin jarııalady.

– Men usynysty qabyl aldym, - dep jazdy Djordjına. 

40-jastaǵy Ronaldý men ıspanııalyq model 9 jyldan beri birge. Ekeýi 5 bala tárbıelep otyr. Onyń ekeýi – ortaq balalary. 

Fýtbolshynyń ózi buǵan baılanysty pikirin bildirgen joq.

Krıshtıaný Ronaldý «Al-Nasr» fýtbol klýbynda 2023 jyldan beri óner kórsetip keledi. Oǵan deıin «Manchester ıÝnaıted», «Real Madrıd» jáne «ıÝventýs» klýbtarynyń namysyn qorǵady. Shabýylshy 2008, 2013, 2014, 2016 jáne 2017 jyldarda «Altyn dop» ıegeri bolǵan.

Eske salsaq, Portýgalııa ulttyq quramasynyń shabýylshysy Krıshtıaný Ronaldý 22 jyl qatarynan quramasynyń sapynda gol soqqan tarıhtaǵy alǵashqy fýtbolshy boldy.