Krıshtıaný Ronaldý Anglııaǵa qaıta oralmaq
ASTANA. QazAqparat - Ispandyq "Real" fýtbol klýbynyń jáne Portýgalııa quramasynyń shabýylshysy Krıshtıaný Ronaldý Ispanııadaǵy salyqty tólemegeni úshin aıyp taǵylǵandyqtan Anglııaǵa qaıtyp barýdy josparlaýda, dep jazdy The Sun gazeti.
- Anglııada salyqqa qatysty problema eshqashan bolǵan emes, sondyqtan da ol jaqqa qaıtyp oralamyn. Salyqty ýaqtyly tóledim, men eshteńe jasyrmaıtynymdy bilesizder. Meni salyq tólemedi dep aıyptaý kúlkili jaǵdaı, - degen 31 shildedegi sot otyrysyndaǵy Ronaldýdyń sózin keltiredi basylym.
Eske salsaq, Ispanııa prokýratýrasy Ronaldýdy 2011 - 2014 jyl aralyǵygda €15 mln kóleminde salyq tóleýden jaltardy dep aıyptady. Buǵan sáıkes sportshy bes jylǵa deıin sottalýy múmkin.
