Krıshtıaný Ronaldý álemdegi eń semiz adamǵa jeıdesin syılady
ASTANA. QazAqparat - Portýgalııa ulttyq quramasy men madrıdtik «Realdyń» kóshbasshysy Krıshtıaný Ronaldý álemdegi eń semiz adam Andres Morenoǵa jeıdesin syılap, ota aldynda kóńilin jubatty. Bul týraly sport.es basylymy habarlap otyr.
Álemdegi eń semiz adam Andres Moreno jaqynda salmaq tastaý úshin ota jasatatynyn habarlaǵan edi. 37 jastaǵy Meksıka turǵynynyń kóńilin aýlaý úshin Ronaldý oǵan jeıdesin joldady.
Qazir Andres Morenonyń salmaǵy 435 keli. Ol bul dertke kishkentaı kezinde shaldyqqan. Denesine jasalatyn otanyń arqasynda 100 kelideı salmaqtan arylýdy josparlap otyr, dep jazady massaget.kz.
