Krıshtıaný Ronaldý «Al-Nasr» quramynda alǵashqy golyn soqty
ASTANA. QazAqparat – Krıshtıaný Ronaldý saýdııalyq «Al-Nasr» klýby quramynda resmı matchtardaǵy alǵashqy golyn soqty, dep habarlaıdy QazAqparat tilshisi.
Portýgalııalyq shabýylshy Saýd Arabııasy chempıonatynyń 15-týrynda syrt alańda «Al-Fateh» klýbymen ótken matchta 93-mınýtta penaltıdi dál oryndady.
Bul match 2:2 esebimen teń aıaqtaldy. Osylaısha, Krıshtıaný komandasyn jeńilisten saqtap qaldy.
Bul Ronaldýdyń «Al-Nasr» quramyndaǵy resmı oıyndardaǵy birinshi goly edi. Buǵan deıingi eki resmı básekede onyń qanjyǵasy maılanbaǵan edi.
«Al-Nasr» klýby 34 upaımen týrnır kestesinde kósh bastap keledi.
Eske sala keteıik, budan buryn Krıshtıaný Ronaldýdyń jalaqysynyń basym bóligi Saýd Arabııasynyń bıýdjetinen tólenetinin jazǵan bolatynbyz.
Foto: Getty Images
