Krıshtıaný Ronaldý «Al-Nasr» klýbymen kelisimshartqa otyrdy
ASTANA. QazAqparat – Portýgalııalyq fýtbolshy Krıshtıaný Ronaldý Saýd Aravııa klýby «Al-Nasrmen» kelisimshartqa otyrdy, dep habarlaıdy QazAqparat Alarabiya-ǵa silteme jasap.
Aqparatqa sáıkes, 37 jastaǵy forvardpen kelisim eki jylǵa jasalǵan.
BAQ-tardyń málimetinshe, Ronaldý jarnamalyq kelisimderdi qosa eseptegende jylyna 200 mln eýro jalaqy alatyn bolady.
«Al-Nasr» klýbynyń jumysy asa shabyttandyrady jáne joǵary jetistikterge jetý úshin komandalas dostarymnyń qataryna qosylýǵa qýanyshtymyn», - dedi áıgili fýtbolshy.
Atalǵan klýbtyń dırektorlar keńesiniń tóraǵasy Mýsalı Al Mýammardyń aıtýynsha, bul kelisim jaı ǵana tarıhı betti bastaý emes, odan da aıtýly oqıǵa.
«Al-Nasr» Saýd Arabııasynyń segiz márte chempıony (sońǵy tıtýldy 2019 jyly ıelendi) atanǵan klýb.
Ronaldý jýrnalıst Pırs Morganǵa suhbat bergennen keıin daý týyndap, «Manchester ıÝnaıted» qarasha aıynda onymen kelisimshartty úzgen edi. Osydan keıin Krıshtıaný Qatarda ótken 2022 jylǵy Álem chempıonatyna attandy. Alaıda ol sátsiz oıyn kórsetti: portýgalııalyq fýtbolshy bes oıynda tek bir gol ǵana soqty, onyń ózinde eki oıyndy qosalqy quram oryndyǵynda ótkizip shyqty. Jalpy Portýgalııa quramasy týrnırdiń shırek fınalynda Marokko quramasyna 0:1 esebimen jeńilip qaldy.
Eske salaıyq, buǵan deıin K.Ronaldý Portýgalııa quramasynda oınaı berýge nıetti ekendigin bildirgen bolatyn.