Krıshtıaný Ronaldý 3 jasar jetim balanyń armanyn oryndady
ASTANA. QazAqparat - Tanymal fýtbolshy Krıshtıaný Ronaldý 3 jasar lıvandyq Haıdar Mustafanyń armanyn oryndady. Búldirshin «Real» klýbynyń merekelik dastarhanynan dám tatyp, «Raıo Valekanoǵa» qarsy oıynyn qurmetti qonaqtar otyratyn orynnan tamashalady, dep jazady massaget.kz.
Qarasha aıynda Lıvan astanasy Beırýtta bolǵan lańkestik áreketten keıin Haıdar Mustafa ata-anasynan aıyrylyp, aýyr jaraqat alǵan. Keıinnen jergilikti tilshi Rana Harbı twitter áleýmettik jelisi arqyly #CristianoMeetHaidar degen heshtegpen fleshmob uıymdastyrǵan. Nátıjesinde, portýgaldyq fýtbolshy fleshmobty eskerip, jetim qalǵan balany Madrıdke arnaıy shaqyrtypty.
3 jasar Haıdar Mustafa «Real» klýbyna jankúıerlik tanytyp, úzdik oıynshysy retinde Krıshtıaný Ronaldýdy baǵalaıdy eken. Merekelik kesh kezinde lıvandyq búldirshindi klýb prezıdenti Florentıno Peres te qushaǵyna alyp, erekshe iltıpat tanytty. Sondaı-aq klýb jeıdesin syıǵa tartty.
Al keı ıspan basylymdary taratqan aqparat boıynsha, Ronaldý Haıdar Mustafaǵa quny 580 000 AQSh dollaryn quraıtyn Rolls-Royce avtokóligin syılaǵan.
Aıta keteıik, 12 qarashada Beırýtta bolǵan jarylysta 43 adam qaza taýyp, 239-y jaraqat alǵan bolatyn.
