Krıshtıan Ronaldý Ózbekstanda sheberlik sabaǵyn ótkizedi
ASTANA. Jeltoqsannyń 20-sy. QazAqparat - Fýtboldan madrıdtik «Realdiń» jáne Portýgalııa quramasynyń jartylaı qorǵaýshysy Krıshtıan Ronaldý jas oıynshylar úshin Ózbekstanda sheberlik sabaǵyn ótkizedi,
dep habarlaıdy QazAqparat RIA «Novostı» agenttigine silteme jasap.
Ronaldýdiń Ózbekstanǵa jeltoqsannyń 22-sinde keletini Tashkent kóshelerinde ornatylǵan bılbordtarda habarlanǵan.
Ronaldý Ózbekstanda tashkenttik «Býnedkor» komandasynyń bas jattyqtyrýshysy Lýıs Felıpe Skolarımen birlesip baspasóz máslıhatyn ótkizedi. Skoları munyń aldynda tórt jyl boıy Portýgalııa quramasyn basqarǵan bolatyn. Buqaralyq aqparat quraldary brazılııalyq bapkerdiń «Realdy» jattyqtyrýy múmkin ekenin aıtýda.
