Krıs Hemsvort osy jyldyń eń symbatty jigiti atandy
ASTANA. KAZINFORM – TC Candler táýelsiz sulýlyq synshylary 2024 jylǵy eń ádemi 100 er adamnyń tizimin usyndy, dep habarlaıdy Kazinform.
41 jastaǵy aýstralııalyq akter jáne Gollıvýd juldyzy Krıs Hemsvort 2024 jyly tizimniń basyna shyqty.
2 orynda – gonkong ánshisi, akter jáne Mirror boız-bendiniń múshesi Keýng To.
3 orynda qytaılyq akter ári ánshi Chjan Chjehan tur.
4 orynda – túrik akteri Halıl Ibrahım Djeıhan.
5 orynda japon ánshisi, bıshi, ońtústik koreıalyq ENHYPEN boız-bendiniń múshesi Nıshımýra Rıkı (Ni-Ki) tur.
6 orynda brıtandyq akter Genrı Kavıll (2022 jylǵy jeńimpaz).
7 orynda – Djongýk, ońtústikkoreıalyq ánshi, BTS boız-bendiniń vokalshysy (2019 jylǵy jeńimpaz).
8 orynda amerıkandyq akter Tımotı Shalame (2023 jylǵy jeńimpaz).
9 orynda sıngapýrlyq akter, júrgizýshi jáne mýzykant Eıden Sng Chjen tur.
Úzdik «ondyqty» brıtandyq akter Lıýsen Lavıskaýnt aıaqtady.
Tizimniń ekinshi jáne úshinshi «ondyǵynda» 49 jastaǵy chılılik-amerıkalyq akter Pedro Paskal (18 oryn), 52 jastaǵy brıtandyq akter Idrıs Elba (22 oryn), 45 jastaǵy amerıkalyq tanymal akter Djeıson Momoa (25 oryn) tur.
Tizimniń tómengi bóliginde amerıkalyq akter Krıs Evans (42 oryn), brıtandyq ánshi jáne akter Garrı Staıls (38 oryn), brıtandyq akter Nıkolas Golıtsyn (36 oryn), brıtandyq akter Tom Holland (68 oryn), brıtandyq akter Robert Pattıson (71 oryn) esimderi bar.
Úzdik 100 ádemi tulǵa tiziminiń sońynda aǵylshyn fýtbolshysy Devıd Bekhem (98 oryn) jáne Gollıvýd juldyzy, kanadalyq akter Kıaný Rıvz (86 oryn) tur.
Álemge áıgili 100 eń ádemi tulǵanyń tizimin TC Candler jáne The Independent Critics 1990 jyldan bastap jarııalap keledi.
