Krıptovalıýtany qolma-qol aqshaǵa aıyrbastap 15 mlrd teńge paıda tapqan eki adam sottaldy

ASTANA. KAZINFORM – QR Qarjylyq monıtorıng agenttiginiń Astana qalasy boıynsha departamenti zańsyz kásipkerlik faktisi boıynsha A.V.Kýchýkova men E.T. Sadyrovqa qatysty sotqa deıingi tergep-tekserý aıaqtady.

Agenttiktiń baspasóz qyzmetiniń habarlaýynsha, atalǵan azamattar krıptovalıýtany qolma-qol aqshaǵa aıyrbastap, asa iri mólsherde tabys tapqan.

Zańsyz qyzmetten túsken aqsha aınalymy 15 mlrd teńgeni quraǵan. Olar 1,5-nan 2,5% - ǵa deıin syıaqy komıssııa alyp otyrǵan.

Memleket kirisine krıptovalıýta ámııanynyń balansyndaǵy 22894,5 USDT mólsherinde qamtamasyz etilmegen tsıfrlyq aktıvter, 328 myń AQSh dollary jáne 7 mln teńgege jýyq aqsha tárkilendi.

Sot A. V. Kýchýkovty múlkin tárkilep, 3 jyl merzimge, al E.T. Sadyrovty múlkin tárkilep, 2 jyl 6 aı merzimge bas bostandyǵynan aıyrdy.

«Qazaqstan aýmaǵynda zańdy tulǵasyz jáne lıtsenzııasyz aıyrbastaý operatsııalaryn júzege asyrýǵa tyıym salynǵanyn eskertemiz»,-delingen habarlamada.