Krıptovalıýta men tsıfrlyq teńge birdeı me
ASTANA. KAZINFORM — QR Ulttyq banki saýalymyzǵa joldaǵan jaýabynda 18 shildede qoldanysqa enetin tsıfrlyq teńge men krıptovalıýtanyń aıyrmashylyǵyn málimdedi.
— Tsıfrlyq teńge — qolma-qol aqsha sııaqty Ulttyq bank shyǵaratyn jáne onyń mindettemesi sanalatyn tólem quraly. Bul azamattardyń qarajatyn joǵary deńgeıde qorǵap, qaýipsizdigin qamtamasyz etedi. Al qolma-qolsyz aqsha Ulttyq banktiń de, ekinshi deńgeıli bankterdiń de óz klıentteri aldyndaǵy mindettemesi retinde aınalymda bola beredi. Krıptovalıýta múlde aqsha retinde sanalmaıdy. Olar úshin eshkimniń mindettemesi joq jáne krıptovalıýta Qazaqstan aýmaǵynda tólem quraly retinde paıdalanylmaıdy, — delingen habarlamada.
Aıta keteıik, buǵan deıin ulttyq bank «tsıfrlyq teńge» uǵymyna anyqtama bergenin jazǵanbyz.
