Krıptovalıýta men maınıng «jyry»: Kirister komıteti UQK málimdemesine pikir bildirdi
ASTANA.QazAqparat - Memlekettik kirister komıteti memlekettik serverlerdi krıptovalıýta maınıngi úshin paıdalanǵan Qarjy mınıstrliginiń qyzmetkerleri týraly aqparatqa pikir bildirdi, dep habarlaıdy «QazAqparat» HAA tilshisi.
«Qazirgi ýaqytta Memlekettik kirister komıteti QR UQK-da aıtylǵan aqparatqa qatysty Qarjy mınıstrliginde qyzmettik tekserý júrgizip jatyr. Buǵan qosa QR QPK-niń 201-babyn sáıkes, tergeý barysy týraly aqparatty qylmystyq isti júrgizip jatqan organ prokýrordyń kelisimimen ǵana bere alady. Osyǵan baılanysty biz aıtylǵan faktilerdi rastap nemese joqqa shyǵara almaımyz. Sonymen birge, Komıtet pen Qarjy mınıstrligine tóngen Kqparattyq qaýiptiń joqtyǵyn habarlaımyz», - delingen MKK baspasóz qyzmetiniń feısbýktegi resmı paraqshasynda.
«Memlekettik qyzmetshiniń ádep Kodeksi týraly keńes, sonymen birge QR QM-nyń barlyq deńgeıinde turaqty túrde memlekettik resýrstardy jeke maqsatta paıdalanýǵaqarsy zańsyzdyqtyń aldyn alý jumystary júrgiziledi», - dep habarlaıdy MKK.
Eske sala ketsek, QR UQK buǵan deıin Qarjy mınıstrliginiń qyzmetkerleri memlekettik aqparattyq júıelerdiń serverlerinde krıptovalıýtalar óndirgenin habarlaǵan bolatyn.
