Krıptovalıýta arqyly jasalǵan 19 alaıaqtyq tirkelgen
Іshki ister mınıstrligi Tergeý departamentiniń bastyǵy Sanjar Ádilovtiń aıtýynsha, Qazaqstan aýmaǵynda krıptovalıýta týraly naqty ári tolymdy túsinik qalyptasyp úlgermeý alaıaqtarǵa ońtaıly jaǵdaı týǵyzyp otyr. Vedomstvonyń aqparat alańynda ІІM ókili osyndaı pikir bildirdi.
«Búgingi tańda ishki ister organdarynda naqty krıptovalıýtany qoldaýny arqyly jasalǵan alaıaqtyq tirkelmegen. Krıptovalıýta arqyly paıda tabý ony arzan baǵamamen satyp alyp, qymbattaǵan kezde qaıta satý arqyly iske asady. Alaıda qaskúnemder respýblıka aýmaǵynda krıptovalıýta uǵymy áli de keń aýqymda taralmaǵanyn jáne atalǵan uǵym boıynsha el ishinde tolyq túsinik qalyptasapaǵanyn paıdalanýda. ıAǵnı alaıaqtar tez arada krıptovalıýta satyp alý arqyly qoldaǵy aqshasyn 30 paıyzdan 50 paıyzǵa deıin, 100 paıyzǵa deıin, eselep arttyrýǵa bolatyny týraly jalǵan aqparat taratyp, azamattardyń aqshasyn usynylǵan shottarǵa aýdartý arqyly aldaıdy», - deıdi departamenttiń bastyǵy.
Onyń aıtýynsha, bıylǵy 6 aıda ishki ister organdarynyń óndirisinde osy tásilmen jasalǵan 19 alaıaqtyq qaralǵan. Sondaı-aq Sanjar Ádilov krıptovalıýtany satyp almaı turyp, resmı derek kózderi arqyly alaıaqtarǵa jem bolmaýdyń tásilderin úırený kerektigin eskertti.
Brıfıng barysynda ІІM ókili qarjy pıramıdalaryn jarnamalaǵan blogerler men vaınerlerge zańnama boıynsha tek aıyppul túrindegi ákimshilik jaza ǵana qarastyrylǵanyn atady.