Krıptoındýstrııany damytý úshin qandaı jumystar júrgizilip jatyr

ASTANA. KAZINFORM — Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Memleket basshysynyń krıptoındýstrııany damytý jónindegi tapsyrmalaryn iske asyrý sheńberinde qandaı jumystar júrgizilip jatqanyn aıtty. 

— Negizgi baǵyttardyń biri zańnamalyq bastamalardy iske asyrý bolyp tabylady, onda krıptoındýstrııany lıberalızatsııalaý jáne tsıfrlyq maınıng ındýstrııasyna ınvestıtsııalar tartý boıynsha túzetýler ázirlendi, — dedi ol Úkimet otyrysynda jasaǵan baıandamasynda.

Onyń aıtýynsha, túzetýler mynalardy:

— QR aýmaǵynda shyǵarylym men aınalymdy zańdastyrý;

— QR aýmaǵynda krıptoaıyrbastaýdyń lıtsenzııalanýyn engizý;

— AHQO-da maınerler óndirgen tsıfrlyq aktıvterdi satý týraly mindettemeni alyp tastaý;

— sondaı-aq elektr stantsııalaryn jańǵyrtý boıynsha «70/30 baǵdarlamasy» jobasyn iske asyrýdy qamtıdy.

— Qazaqstanda krıptoındýstrııany damytýǵa baǵyttalǵan birqatar bastama iske asyrylyp jatyr. Negizgi jobalardyń ishinde CryptoCity, memlekettik maınıng, krıptofond; ulttyq valıýtadaǵy steıblkoın, naqty aktıvterdi tokendeý bar, — dedi mınıstr.

Aıta keteıik, kúni keshe Memleket basshysy Jolaýda qazirgi zamannyń talabyn eskere otyryp, krıptoaktıvterge basa nazar aýdarýdy tapsyrǵan edi. 

Sondaı-aq, endi keden beketterindegi kameralar Astanadaǵy monıtorıng ortalyǵyna tikeleı qosylady.

Odan bólek, elimizde 5 jyl ishinde stýdentter, memlekettik jáne kvazımemlekettik sektor qyzmetshileri túrli baǵdarlamalar arqyly JI daǵdylaryn úırenedi.