Kreşenıe Gospodne: Qyzylordada shoqyný rásimine arnalǵan birde-bir oryn joq

QYZYLORDA. KAZINFORM — 19 qańtar kúni elimizde pravoslavtyq hrıstıandar Kreşenıe Gospodne meıramyn atap ótedi. Alaıda, Qyzylorda oblysynyń sý aıdyndarynda, ıaǵnı ózen-kólderde shoqyný rásimine arnalǵan oryndar qarastyrylmaǵan. 

Sol kúni oblystyq tótenshe jaǵdaılar departamentiniń qyzmetkerleri reıd júrgizip, qaýipsizdikti qamtamasyz etedi. 

— Mereke kezindegi aýa raıy boljamyna kelsek, 18-19 qańtar kúnderi aýa temperatýrasy ortasha eseppen kúndiz 10-15, túnde 20-25 gradýs aıaz bolady. Sekýndyna 15-20 metr jyldamdyqpen jel soǵady dep kútilip otyr. Belgilenbegen oryndarda sýǵa shomylǵan adamdar 7aılyq eseptik kórsetkish mólsherinde aıyppul tóleıdi. Osy oraıda sý aıdyndardaǵy muzda jáne balyq aýlaý kezindegi qarapaıym qaýipsizdik sharalaryn saqtaýdy suraımyz, — dedi oblystyq tótenshe jaǵdaılar departamentiniń basqarma bastyǵy, azamattyq qorǵaý podpolkovnıgi Jandos Dosymov.

Kreşenıe Gospodne merekesi kezinde is-sharalardyń barlyǵy oblys ortalyǵyndaǵy shirkeý aýmaǵynda ótedi.

Aıta keteıik, 6 qańtardan 7 qańtarǵa qaraǵan túni, Rojdestvo merekesinde Almaty qalasy aýmaǵyndaǵy 13 nysanda qutqarýshylar men órt sóndirýshiler kezekshilik etti.