Kreşenıe merekesinde shomylýǵa ruqsat berile me – Bas sanıtar jaýaby
NUR-SULTAN. QazAqparat – QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov pravoslav dinindegi Kreşenıe merekesin ótkizýge qatysty suraqtarǵa jaýap berdi, dep habarlaıdy QazAqparat tilshisi.
«Ázirge jekelegen óńirlerde jergilikti sanıtarlyq qyzmetterdiń sheshimimen shekteý sharalary engizilýi múmkin. Biraq jalpy respýblıka boıynsha sanıtarlyq-epıdemıologııalyq jaǵdaıy turaqty jerlerde bul sharalarǵa tyıym salynbaǵan», - dep jaýap berdi Erlan Qııasov Ortalyq kommýnıkatsııalar qyzmetinde ótken brıfıngte.
Spıkerdiń aıtýynsha, jergilikti ózin-ózi basqarý organdaryna Kreşenıedegi sýǵa túsý oryndaryn tıisti túrde ázirleý týraly hattar jiberilgen.
«Árıne munda da, shara qatysýshylary áleýmettik qashyqtyq, jeke qaýipsizdik syndy talaptardy saqtaýy tıis», - dep túsindirdi bas sanıtarlyq dáriger.
